Para o século XXI a informaciòn e o entretemento trascenden das canles tradicionais para incorporarse na gran autoestrada da comunicación. Por iso desde Radio Estrada queremos presentar unha renovada imaxe da emisora e tamén dos nosos contidos.

Sabemos da importancia de facer un escaparate axil e atractivo, de fácil navegaciòn e o tempo de contidos que, para todos, conforman o día a día da nosa emisora.

Radio Estrada viviu unha serie de transformaciòns desde o seu nacemento sen deixar nunca de lado a vocaciòn de Radio Local, pero tamén sendo conscientes de que por iso mesmo as historias do día a día -as nosas historias- teñen tamén un percorrido máis alá do meramente local ou comarcal, para convertirse en vivencias de confluencia no ciber-espazo.

Desde hai máis de vinte anos na FM vive Radio Estrada cargada de contidos e programas para que as xentes da comarca -as nosas xentes- poidan sentir a cercanía da radio e a complicidade dos locutores e locutoras desta casa.

Agora -e grazas os esforzos dos compañeiros e compañeiras da Estrada Dixital- ofrecemos a nova imaxe da emisora en Internet para que -en definitiva- poidamos sumarnos a esa marea de persoas que atopan na REDE outra maneira de achegarse a información, o entretemento, a música ou a informaciòn de servizo.

Escoitar ou navegar son sinónimos de achegamento a radio.

Compartamos pois esa experiencia de xeito común.

E grazas por compartir Radio Estrada