Foto. Cristina Vilela

O pianista Javier Otero Neira realizou na noite de onte, na Estrada, o segundo dos seus concertos nocturnos. O primeiro ofrecerao o mércores, na Praza de Cervantes de Santiago de Compostela.

Tralo éxito acadado na celebración do “Festival Piano Meeting Ourense”, 70 Mandarinas e Javier Otero xuntaron de novo forzas e ilusións para a organización dun evento con referentes europeos e pioneiro en España. Coa colaboración de SilentSystem, a súa innovadora tecnoloxía e a modernidade dos instrumentos musicais de Yamaha, crearon o espectáculo SILENT WIFI.

Trátase dun concerto de piano de 1 hora de duración interpretado por Javier Otero Neira, artista Yamaha. O público experimenta un percorrido polas músicas do mundo en completo silencio, xa que o son chega a casa persoa do público grazas á tecnoloxia punteira de SilentSystem: uns auriculares especiais conectados a través da rede Wi-Fi. Os propios auriculares constan dunha iluminación singular que proporciona a cada espectador un ambiente intimista e evocador ao redor do piano.

Os 500 espectadores, que disfrutaron dos dous concertos, viviron en primeira persoa as sensación que ten Javier Otero Neira cando acaricia as teclas dese impresionante piano de cola Yamaha C3 Transcoustic. E convertironse en protagonistas a poder tocar, eles mesmos, dito piano.

O pianista estradense rodeouse, para o concerto da Estrada, de alumnas do conservatorio da mesma vila onde fixo sonar as súas primeiras notas Javier Otero Neira. As pianistas foron Alba Lugo, Blanca Barros, Uxía Salgueiro y Taida Sánchez.

Dende a organización apuntan que despois do éxito obtido nestes dous concertos xa están en negociacións para realizar unha xira de verán e deste xeito achegar esta experiencia única ao maior número de público posible.

 Podes escoitar a entrevista PREMENDO AQUÍ

A Estrada consolídase como productor de sidra e apunta ao turismo na VII Feira da Sidra natural e ecolóxica.

Este sábado 2 de xuño celebrase na Estrada a VII Feira da Sidra Natural e Ecolóxica, con productos ecolóxicos e eventos culturais.
A presentación da feira levouse a cabo nas instalacións de Sidra Natural Peroja e ata alí se desprazaron a Conselleira do Medio Rural, Ángeles Vázquez, a Directora Xeral de Gandaría, agricultura e Industrias Agroalimentarias, Belén do Campo, e o Alcalde estradense, José López Campos para acompañar aos productores.

A conselleira destacou que a produción de sidra en Galiza "está en auxe"; e que "cada vez son máis os agricultores que apostan pola mazá natural e ecolóxica", resaltando a “creación de riqueza e emprego, que xenera e que favorece á fixación da poboación".

Esta edición da Feira da Sidra Natural e Ecolóxica contará cunha feira de productos ecolóxicos certificados polo Consello Regulador de Agricultura Ecolóxica de Galicia (Craega) e buscará o recoñecemento de Festa de Interese Turístico Galego. Así mesmo, estanse a buscar fondos a través do GDR para a creación dunha “Ruta da Sidra” que una os lagares Camino, Peroja, Ribela e A Sobreira, con atraccións turísticas locais e para a próxima apertura dun museo da sidra situado na parroquia de Callobre, según apuntaban os presidentes da cooperativa Ullama e da Asociación Maceira e Sidra, Daniel Peroja e José Antonio López Pampín.

Todos os visitantes que se acheguen á Estrada poderán degustar as sidras de 22 lagares chegados de 5 paises diferentes (España, Portugal, Francia, Inglaterra e Alemania), polo prezo único de 5€, que é o que custa o vaso conmemorativo desta edición. Á que tamén se suman arredor dunha ducia de establecementos hosteleiros, que ofrecerán pinchos a 2,50€ e racións a 6€. E a Asociación de Vehículos Clásicos A Estrada, que cada ano acuden á cita da sidra montados en bicicletas antigas e vestidos de época.

A VII Feira da Sidra Natural e Ecolóxica abrirá de 12.00 a 15.00 horas pola mañán e dende as 19.00 horas pola tarde. Con pasarúas matutinos amenizados polas bandas de gaitas de Barbude  (A Estrada) e Castrillón (Asturias) e a acutación, ás 13.00 horas, do grupo Zurrumalla. E pola tarde, realizarase a entrega do Premio “Grolo de Ouro”, os diplomas conmemorativos e actuarán os grupos Caxade e Forró Miór (Portugal).

LAGARES:

Galiza: Camino, L.P. (López Pampín), Peroja, Ribela e Torres de Moreda (A Estrada) - Andaina, CFEA Gúisamo, Maeloc, Val de Traba, Coop Ribeira do Navia e Vermouts Ciobra.

Asturias: Cabueñes e Solleiro.

Cantabria: Somarroza

Castela e León: Carral e El Agüelo.

País Vasco: Astarbe e Bereziartúa.

Internacionais: Kelterei Heil de Alemaña; Burrow Hill de Inglaterra; Corrupia de Portugal; e Le Maître e Manoir du Kinkiz de Francia.